Gisaway sa Xavier University Central Student Government ang paglangan sa Kongreso sa pagpasa og tinuod nga anti-political dynasty law bisan pa sa subli nga giya sa Korte Suprema bahin sa Bangsamoro Electoral Code.
Gipadayag ni Xavier University Central Student Government President Luis Nicholai Wong nga kulang ang gidili sa probisyon sa Bangsamoro Electoral Code nga duha ra ka degree imbes nga upat ka degree sa magpamilya.
Gitin-aw sa lider sa mga estudyante nga gitugotan gihapon sa kasamtangang lagda ang magpamilya nga magdungan og dagan sa lainlaing lungsod ug probinsya sa nasod.
Tungod niini, gipasalig sa organisasyon ang suporta sa Dapat Isa Lang initiative aron matubag ang dugay nang kapakyasan sa lehislatura sa pagpatuman sa probisyon sa 1987 Constitution.
