CAGAYAN DE ORO CITY – Mitala sa 800-mil ang damyos sa pagkasunog sa unom ka balay sa Purok 5,Sitio Naga,Brgy Puerto ning syudad.
Miingon si Puerto BFP sub-station investigator SFO3 Alden Catubig nga nagsumikad ang pagkaylap sa kalayo sa balay ni Dolores Villanueva ug paspas nga mikatay sa mga silingan niini.
Gibutyag ni Catubig nga hinoon walay kinabuhi sa tawo ang naangol o namatay sa sunog apan pipila ka mga binuhing mananap ang naapil sa pagkalamoy sa kalayo.
Mohimo sa dugang pakisusi ang mga imbestigador sa maong hitabo.
Dugtong usab niini,mihangyo’g tabang si Villanueva sa mga dunay ikatabang alang sa ilang nawala nga kabtangan ug inadlaw nga panginahanglan sa pagkaon samtang maningkamot sila’g bangon balik gikan sa maong trahedya.
