CAGAYAN DE ORO CITY – Giawhag ni City Administrator Teddy Sabugaa ang katawhan sa tibook syudad nga e-report sa iyang buhatan ang mga brgy nga dili mo-kooperar sa citywide clean up drive batok dengue nga gihimo karong adlawa.
Kini human unang gitahasan ni City Mayor Oscar Moreno ang City Health Office nga panguluhan ang clean up drive batok dengue nga ilusad ning adlawa.
Nagbahad si Sabugaa nga mag-atubang sa kasong administratibo sa Department of Interior and Local Government ang mga opisyal nga dili moapil sa pagpanglimpyo sa ilang palibot.
Samtang, giawhag ni Sabugaa ang mga tag-iya’g junkshop nga limpyohan ang ilang palibot matag-hapon.
Una niini,halos 2-mil ka kaso na sa dengue ang natala sa syudad diin 15 ka tawo na ang kumpirmadong namatay sugod Enero hangtod Agosto ning tuiga.
