CAGAYAN DE ORO CITY-Gihagit karon ni officer-in-charge City Prosecutor Merlynn Uy ang pipila ka indibidwal nga naigo sa giingong binuang ilabina sa pagpangwarta sulod sa ilang opisina nga modangop kaniya aron mahatagan sila’g igong aksyon ug proteksyon.
Gihimo ni Uy ang pag-awhag tungod sa nadawat niya nga report nga may pipila sa ilang kaubanan sa trabaho ang nagtinguha pagpalagpot kaniya gamit ang isyu nga siya usa ka corrupt prosecutor sa syudad.
Si Uy miingon nga hayan magpadayon ang isyu sa ‘resolution for sale’ sulod sa city prosecutor’s office kon pilion sa mga biktima ang pagpakahilom bisan nga sila giyatakan na’g maayo.
Hisayrang sa pagkabulgar sa resolution for sale sulod sa city prosecutor’s office sa tuig 2016,may pipila ka prosecutors ang giimbestigaran tungod sa ilang kalambigitan.
