CAGAYAN DE ORO CITY- Pagka-kompiskar lamang sa dul-ag 30 ka hait nga hinagiban ug halos 20 ka nagkadaiyang ilimnon ang natala sa city memorial park sa Bolonseri,Brgy Camaman-an sa syudad.
Kini human gipaubos sa hugot nga pagbantay sa kapolisan ug militar sa maong sam-ang sukad pa niadtong Oktubre 31 hangtod kagabii.
Miingon si Sr/Insp Johnny Agutaya,ground commander sa Oplan Kaluluwa 2017 sa maong sam-ang nga walay bisan usa ka kaso nga dugu-on nga ilang na-respondihan atol sa kalihukan.
Gani,nalugwaya lamang hinoon ang ilang oras kutob ning adlawa tungod sa padayon pa gihapong pagdagsa sa katawhan sa maong sam-ang.
