CAGAYAN DE ORO CITY-Wala makahatag kaluya sa boxing team ning syudad bisan pakyas makakuha’g gold medals ang mga boksidor nga miapil sa 2018 Asian Games didto sa Indonesia.
Kini human misakmit lamang sa bronze medal sila si Carlo Paalam, Eurice Marcial samtang silver medal usab si Rogen Ladon sa ilang mga away sa miaging semana.
Miingon si City Mayor Oscar Moreno nga bata pa si Paalam ug daghan pa’g maabtan sa iyang boxing career hinungdan nga positibo kini sa exposure niini.
Si Paalam, Marcial ug Ladon ang kabahin lamang sa mga boksidor nga ubos sa sports devt program ni Moreno sa syudad.
