CAGAYAN DE ORO CITY – Nabawi-an sa pipila ka armas,mga bala ug ubang kagamitang pang-giyera ang anaa sa 20 ka sakop sa CPP-NPA rebels nga unang gika-engkuwentro sa militar sa Sitio Cogon-Cogon,Brgy Manalog,Malaybalay City,Bukidnon.
Kini ang gibutyag ni 403rd IB commader Brig Gen Michelle Anayron subay usab sa nadawat nga impormasyon gikan sa ilang operating troops sa 8th IB sa maong lugar.
Gibutyag ni Anayron nga tipik sa nabawi sa ilang gihimo nga focused military operations ang AK-47;tulo ka bomba;mga bala sa M203 ingon man sa AK-47.
Apil usab sa nakompiskar ang laptop;electronic tablet;pito ka cellphones;generator set;printer,transistor radio;medical supplies;backpacks ug suplay sa pagkaon.
Giangkon usab sa militar nga dunay ilang sundalo nga samaron apan luwas na ang kahimtang.
Walay narekober nga patay’ng lawas sa mga rebelde sa nabawi nga hideout sa CPP-NPA apan nagtoo ang militar nga daghan ang mga samaron gumikan sa mga dugo nga nabilin sa encounter site.
