CAGAYAN DE ORO CITY-Nanawagan si PDEA agent Ben Calibre sa re-elected brgy officials nga molingkod sa Hulyo 1 nga hataga’g pagtagad ang Barangay Anti-Drug Abuse Council o BADAC.
Siya miingon nga mahinungdanon kini nga ipatuman sa matag-brgy base sa kamanduan sa buhatan sa Department of Interior and Local Government o DILG.
Nagbahad si Calibre nga ang mga brgy opisyal nga mapakyas pagtukod sa BADAC ubos sa ilang area of responsibility, ilang ipaubos sa imbestigasyon.
Samtang gihataga’g paglaum sa PDEA ang TOKHANG surrenderees nga mahimo pang mawagtang ang ilang pangalan isip drug dependents.
Kini kun ugaling mosunod sila sa proseso sa de-listing nga gitanyag sa PDEA-10 ug sa kapolisan.
Sumala ni Calibre nga kinahanglang mopaubos sa rehabilitasyon ang mga drug dependents ug pamatud-an niini nga miundang na sa paggamit ug pagbaligya sa illegal drugs.
Una nang nagbahad si Calibre nga maoy ilang target nga dakpon kadtong Tokhang surrenderee nga wala pa mihunong sa ilegal nga binuhatan.
