CAGAYAN DE ORO CITY-Gi-angkon sa PNP-10 nga daghang reports ang ilang nadawatan may kalabutan sa brgy officials nga nalambigit sa ilegal nga droga.
Matud ni PNP regional spokesperson Supt Lemuel Gonda nga ilang gipaubos sa imbestigasyon ang mga akusasyon sa pagtoo nga pagpangdaut lamang kini ilabina nga hapit na ang Barangay ug SK elections.
Dugang niini nga ila na lamang gisalig sa intelligence personnel ang pag-verify sa reports.
Una nang giangkon ni Gonda nga wala niya mabasa ang libro sa PDEA diin nakalista ang mga opisyal sa barangay nga nalambigit sa ilegal drugs.
