CAGAYAN DE ORO CITY – Gibaharan ni City Mayor Oscar Moreno ang mga brgy kapitanes nga dili magpakasayop diha sa ilang pagpanghatag sa cash assistance ug relief goods sa mga residente nga apektado sa krisis nga dala sa COVID-19.
Kini human unang gimando ni Pres Rodrigo Duterte nga dili na langanon ang paghatag ayuda sa mga tawo nga gitumong tabangan.
Gihimo sa mayor ang pahimangno aron dili na lisud-lisoron ang mga pamilya nga angayang mahatagan sa maong benepisyo samtang dili pa normal ang sitwasyon dala sa bayrus.
Gawas sa quick response fund sa city hall,naka-standby usab ang 658 milyon nga supplemental budget alang sa katawhan sa syudad.
Samtang walay kasakit si Cagayan de Oro ABC President Kagawad Alam Lim sa gihimong desisyon ni Duterte.
Kini nunot na sa pagtugyan ngadto sa DSWD ang pagpanghatag sa ayuda sa mga tawong naapektuhan sa giatubang nga krisis epekto sa COVID-19 pandemic sa nasud.
Miingon si Lim nga katungod sa presidente ang nahimong hukom niini.
Siya miingon nga may gitunol man usab ang syudad nga gitugyan kanilang mga kapitan ang pagpanghatag.
