CAGAYAN DE ORO CITY-Pormal na nga miduso sa ilang certificate of candidacy kon COC’s ang mga dagkung magka-atbang nga political party dinhi sa syudad ug lalawigan sa Misamis Oriental karong adlawa.
Unang miduso sa ilang COC kaganihang buntag ang partido PDP Laban pinanguluhan sa nagpa-subli pagka-alkalde sa dakbayan nga si Mayor Oscar Moreno ug incumbent Vice Mayor nga si Joaquin Uy.
Ang ilang kandidato pagka-kongresista sa unang distrito mao si incumbent Cong Rolando Uy samtang si ABC Pres Alam Lim alang sa pagka-representante sa ika-duhang distrito.
Samtang miduso usab sa ilang COC karong hapon ang gropo nila ni Pompee Laviña kinsa maoy magpa-pili pagka-alkalde sa dakbayan.
Ang iyang bise alkalde mao si kanhi Mayor Vicente Emano samtang ang kongresista sa unang distrito mao si kanhi Vice Mayor Ian Acenas ug sa ika-duhang distrito mao si kanhi congressman Rufus Rodriguez.
Una niini, miduso usab sa iyang kandidatura pagka-alkalde sa syudad si kanhi councilor Candy Darembang samtang si kanhi Mayor Reuben Canoy maoy iyang bise-alkalde.
