CAGAYAN DE ORO CITY – Nakompiskar sa mga personahe sa City Veterinary Office ang 35 kilos nga mga daot nga karneng manok sa sa merkado Cogon ning syudad.
Kini human sila mihimo sa surprise inspection sa mga gapamaligyag karne sa palibot sa Cogon market.
Miingon si Dra Daryl Rasay sa City Veterinary Office nga makita ang karne nga dili na angayang kan-on sa tawo ug walay napakitang dokumento sa pagbaligya niini.
Dugtong ni Rasay nga daling misibat ang nagbaligya sa maong mga karne dihang nabantayan ang pag-inspection sa team.
Sa miaging semana,nabawi usab sa gobierno ang 600 kilos nga karneng manok nga wala mosubay sa health safety standards diin peligro nga kan-on sa mga konsumante.
