CAGAYAN DE ORO CITY – Gihagit ni Cagayan de Oro Archdiocese Archbishop Jose Cabantan,D.D ang mga debotong Kristiyano nga tinud-anay nga puy-an ang mensahe ug mga hagit nga gibilin sa patron San Agustin alang sa katawhan sa dakbayan.
Kini samtang isaulog sa mga kristiyano ang kapistahan ni San Agustin sa adlaw’ng Miyerkules ning semanaha.
Gibutyag ni Cabantan nga mas angayan ang kasadya sa katawhan kon masunod niini ang tawag ni San Agustin nga sa mga importanteng butang angay hiusahan apan kagawasan sa walay kapuslanan ug itigbabaw ang gugma’g kalooy alang sa tanan.
Samtang mihangyo si CDRRMD Manager Nick Jabagat sa katawhan nga dili lang itugyan sa kapolisan ug militar ang isyu sa seguridad alayon sa mga kalihukan sa kapistahan sa dakbayan.
Kini tungod kay naghinobra ang kadaghan sa mga aktibidad nga angayang tutukan sa mga otoridad hinungdan dako’g matabang ang kooperasyon sa katawhan sa syudad.
Miingon si Jabagat nga anaa na sa labing dagkong kalihukan ang city govt ning semanaha rason nga nagkinahanglan kini sa hugot nga koordinasyon aron makab-ot ang kalampusan ug luwas ang katawhan batok sa tanang hadla sa seguridad.
