CAGAYAN DE ORO CITY – Mitala sa grabe kaubos sa ihap sa mga deboto nga misaka sa bukid sa Malasag aron mamalandong ning semana santa itandi sa naglabay’ng mga katuigan.
Giubtyag ni Cugman Punong Brgy Wendilyn Escobia nga sa inisyal nga listahan sa nakasaka nga mga deboto,anaa lamang sa sobra 2-mil 500 ning tuiga itandi sa kapin 12-mil sa milabay’ng 2019 nga panaad sa lugar.
Miingon si Escobia nga epekto kini sa dili maayong kahimtang sa panahon ug ang mga gabayan sa IATF batok impeksyon sa COVID-19.
Samtang nag-ubos usab ang ihap sa mga deboto nga mitabok sa siyam ka gagmay’ng sapa aron makapamalandong sa kapilya sa Berhin sa Guadalupe nga nasakop sa Brgy Tablon ug Balubal ning syudad.
Kini subay sa pasiunang assessment ni Vicente Flores,head sa Tablon Brgy Disaster Risk Reduction and Management Council sa maong lugar.
Gibutyag ni Flores nga dako kaayo’g deperensiya ang semana santa ning tuiga itandi sa nanglabay’ng katuigan nga gaabot ang ilang mga deboto sa 70-mil.Hisayrang sulod ning tuiga,lisod makab-ot bisan 5-mil ka deboto nga misaka sa Guadalupe
