CAGAYAN DE ORO CITY-Kasuhan sa pagbaligya sa gidiling droga ang magtiayon ug laing duha ka lalaki nga nasikop sa magkalahi nga anti-illegal drug buy bust opeartion sa tulo ka barangay sa syudad.
Kini human nasikop ang magtiayong Joven ug Trisen Lai nga pulos taga-Brgy Gusa sa Tin-ao, Brgy Agusan ning syudad kaganihang kadlawon.
Miingon si Regional Drug Enforcement Unit team leader C/Insp Alenor Mautante nga nasikop usab si Jonal Arroyo nga taga-Puerto ug Marlon Nacionalaes sa Brgy Bugo sa syudad kagabii.
Nakuha gikan sa mga posisyon sa suspek ang pipila ka sachets sa suspected shabu diin may balor 28-mil pesos.
Detinado sa magkalahi nga mini-cell ang mga suspek samtang gipaabot ang pagduso sa kaso sa piskalya sa syudad.
