CAGAYAN DE ORO CITY, Philippines – Nagabaan! Kini ang nag-unang reaction ni Atty Antonio Gabriel “Tony” Maestrado La Viña sa managsunod nga ‘pagbackfire’ sa pamilya Duterte sa natad sa pulitika.
Sa exclusive interview sa Bombo Radyo kang Atty. La Vina, kinsa nagsilbing founding President sa grupong Movement Against Disinformation, miingon nga nabaslan na sa dili maayong tratamento ang mga miyembro sa Duterte nga iladong mga tahor panahon sa ilang paghawid sa gobyerno sa Pilipinas.
Nagtoo si La Vina nga nagabaan na sila kanhi Presidente Rodrigo Duterte, kuyog ang iyang mga alipores dihang mipatuman sila sa duguong drug war campaign ug lapad ga extra judicial killing sa nasud sugod 2016 hangtud sa natapos ang iyang termino sa 2022.
Masaligon iladong Human Rights Lawyer nga singlon sila sa balaod ilabe na nga duol na mahuman ang congressional inquiry sa kasong EJK ug War on Drugs nga mahimong gamitong sa International Criminal Court (ICC) isip basehan aron arestohon ang kanhi presidente ug ang mga kanhi kadagkuan sa Philippine National Police nga maoy nag-implementar sa dugong drug war.
Hisayran nga kapin 12,000 ka mga tawo ang namatay sa Pilipinas, kundiin anaa sa 2,555 ang gipatay sa mga pulis, tungod sa dugoong kampanya ni Duterte, subay sa nakuhang impormasyon sa grupong Human Rights Watch.
