CAGAYAN DE ORO CITY – Gipalig-on sa grupo ni outgoing Association of Brgy Council o ABC president ug incoming 2nd District City Councilor Alam Lim ang ilang tinguha nga palagputon sa hingpit pagka-bise presidente sa liga si Gusa Brgy Kap.Marlo Tabac.
Kini bisan kung pabiling giila sa ABC National League ang pagka-bise presidente ni Tabac sa mga kapitanes ning syudad.
Namahayag si Lim nga wala pa masayod sa mga bug-at nga basehan ang ilang national officials kung nganong 64 sa kapitanes sa syudad ang nawad-an sa pagsalig ug kumpiyansa sa liderato ni Tabac.
Siya miingon nga ayha makalingkod sa hingpit si Tabac nagkinahanglan una kini makakuha sa certificate of confirmation on law of succession gikan sa ABC-National.
