CAGAYAN DE ORO CITY – Dayag nga pagdumala sa gobiernong lokal ang gipasalig sa bag-ong liderato diha sa Tagoloan,Misamis Oriental.
Kini ang panganti ni Tagoloan Mayor Gomer Enan Sabio sa pagsugod sa iyang trabaho ning adlawa.
Miingon si Sabio kinsa mipukan sa mga Emano sa maong lungsod nga dili niya mahatag ang bulan ug bitoon sa katawhan apan pagkamatarong lamang sa serbisyo ang mapasalig niini.
Gihawiran sa taas nga panahon sa mga Emano ang maong lungsod ug si Sabio pa lamang ang nakaputol niini sa miaging Mayo 2019 nga eleksyon.
Samtang gitahod sa pamilyang Emano ang hukom sa katawhan sa lungsod sa Tagoloan,Misamis Oriental.
Kini human pildiha ni Gomer Enan Sabio sa kanhi Mayor Manok Emano sa miaging piliay sa nasud.
Miingon si Gov Bambi Emano nga temporaryo lamang ang pagkawala nila sa lungsod.
Nasayran nga nagsumikad ang politika sa mga Emano mismo sa lungsod sa Tagoloan ning lalawigan.
