CAGAYAN DE ORO CITY-Gibaharan ni City administrator Teddy Sabugaa ang kapin 3-mil ka empleyado nga likayan ang pagsulod sa bisyo sa ilegal nga droga aron magpabilin sila sa ilang mga trabaho ning syudad.
Gihimo ni Sabugaa ang pasidaan tungod sa pag-positibo sa lima ka empleyado sa paggamit sa shabu hinungdan nga sila nahunong sa ilang mga trabaho.
Miingon si Sabugaa nga unta dili na masundan ang lima ka empleyado nga nasapon paggamit sa gidiling droga aron kalikayan nga maapektuhan ang kinitaan niini alang sa ilang mga pamilya.
Sulod usab ning tuiga, daghang mga empleyado sa city hall ang nasapon sa mga otoridad nga naggamit ug nagbaligya sa gidiling droga hinungdan gipangkasuhan sa korte.
