CAGAYAN DE ORO CITY-Gipasugdan na ni Misamis Oriental Vice Gov Joey Pelaez ang pagpa-report sa tanang empleyado sa Sangguniang Panlalawigan sa buhatan sa Commission on Audit o COA.
Kini sa tumong nga ilang mapamatud-an nga dakong bakak ang akusasyon ni Board member Frederick Khu may kalabutan sa ghost employees.
Siya miingon nga tuyo-an gayud sa mga trabahante ang pagbyahe gikan sa layo padulong sa opisina sa COA aron lamang malimpyohan ang iyang pangalan.
Gisalig na lamang ni Pelaez sa COA ang pagsuta kon adunay ghost employees sa Sangguniang Panlalawigan.
Matud ni Pelaez nga iya nang gimanduan ang mga empleyado nga magdala sa ilang birth certificate ug uban pang mga rekisitos sa COA.
Una nang nagtoo si Pelaez nga pagpangdaut lamang sa iyang pangalan ang akusasyon ni board member Kho may kalabutan sa “ghost employees”.
Siya miingon nga gipaluyohan sa pulitika nga ilang kaatbang ang maong akusasyon.
