CAGAYAN DE ORO CITY – Gihagit sa grupong Citizens Watch for Good Governance 10 si Pres Bongbong Marcos padulong sa mga mayores nga mag-una sa pagtuman sa anti-epal law kada-adunay mga kalihukan susama sa pag-obserbar sa adlaw sa mga santos ug kalag.
Kini human gilauman nga sugaton sa nagkadaiyang political gimmicks sa mga politico ang katawhan nga mohimo’g pagduaw sa ilang mga minahal sa kinabuhi sa maong mga adlaw.
Miingon si CWGG 10 convenor Atty Antonio Soriano nga kon inotil ang president padulong sa mayores sa pagsunod niini, walay rason nga dili usab kini himoon sa ubang mga kandidato nga apil sa modagan sa 2025 elections sa nasud.
Hisayrang wala pa sa control sa Comelec ang mga mani-obra sa aspiring candidates ning panahona kay sunod tuig pa magsugod ang election period.
