PC:PNP’s PIO
CAGAYAN DE ORO CITY-Nakompiskar sa joint operations sa kapolisan ug militar ang daghang kasangkapan paghimo’g bomba nga iya sa rebeldeng New People’s Army o NPA sa Purok 5,Brgy Lumbo,Valencia City,Bukidnon.
Kini human paspas naka-responde ang mga otoridad sa impormasyon nga gipaabot sa mga sibilyan dihang nasiplatan ang duha ka gitoohang NPA combatants nga nagtinguha pagdala sa kontrobando pasaka sa bukid.
Miingon si PNP regional spokesperson Supt Lemuel Gonda nga kabahin sa nabawi sa kapolisan ug militar ang 21 ka improvised hand grenades;5 ka improvised anti-
personnel clamor mines,steel ug PVC pipes.
Nabawi usab ang electrical wires, soluble fertilizer, Asupre chemical substance, a kilo of ammonium nitrate/fuel oil o ANFO;dynamites;blasting caps ug daghan pang uban.
Sa miaging semana,nabawi usab sa militar ang mga pagkaon ug tambal nga gipangsulod sa container gallons nga gipanglubong sa NPA sa Bukidnon.
