CAGAYAN DE ORO CITY – Nagpabiling numero unong sumbanan sa maayong pamatasan ang mga ginikanan.
Mensahe kini ni Msgr. Perseus Cabunoc, rector sa San Agustin Cathedral samtang gi-obserbar sa tibook nasud ang Semana Santa.
Si Cabunoc namahayag sa Bombo Radyo nga kung maayong ehemplo ang mga ginikanan, ang mga bata sab mahimong maayong tigbalantay sa kalibutan.
Busa gihangyo ni Cabunoc ang tanang ginikanan nga ipakita sa mga bata kon unsa ang bili sa paghinulsol, pag-ampo ug pagpuasa sa mga Mahal nga Adlaw.
