CAGAYAN DE ORO CITY-Nailog karon sa political oppositions ang pipila ka balwarte o kontrolado na mga syudad ug lungsod nga gihawiran sa dagkong pangalan sa politika sa Misamis Oriental.
Kini human gipildi ni mayoralty candidate elect Enan Sabio si incumbent Tagoloan Mayor Manok Emano diin nakakuha’g boto nga 16-mil 816 ka boto batok sa 15-mil 961 sa miderm elections sa Mayo 13 ning tuiga.
Ang lungsod sa Tagoloan ang gikonsiderar nga kagikan sa political career sa mga Emano diin gipanguluhan ni late former governor ug kanhi-Cagayan de Oro City Mayor Vicente ‘Dongkoy’ Emano nga gisundan ni re-electionist Misamis Oriental Gov Bambi Emano ug uban pa nila nga kaliwatan.
Samtang gipildi usab ni kanhi city vice mayor Eric Canyosa si incumbent Gingoog City Mayor Marie Guingona sa lalawigan.
Giila nga balwarte sa mga Guingona sa dugay nga panahon ang Gingoog City diin kanhi usab nagsilbing alkalde nag iyang inahan nga si kanhi provincial governor ug incumbent City Vice Mayor Ruth de lara Guingona.
Si Canyosa ang nagbaton sa 35-mil 390 boto samtang si Guingona ang naghupot lamang sa 29-mil 509 sa bag-uhay pang hagpatay sa mga balota.
Gipaluhod usab sa runningmate ni Canyosa nga si incumbent Misamis Oriental 1st District Rep Pedro Unabia si current City Mayor Marie Guingona sa posisyon nga pagka-bise alkalde sa syudad.
Nagbaton si Unabia sa 35-mil 504 votes samtang batan-ong Guingona ang dunay 28-mil 715.
Samtang dako na ang abante ni Misamis Oriental Gov Bambi Emano batok sa iyang kaatabang sa ikatulong higayon nga si kanhi Vice Gov Julio Uy.
Si Emano nakakuha na’g 284-mil 248 ka boto samtang si Uy ang anaa sa kapin 100-mil sa padayong iphanay.
Samtang hawid pa gihapon ni incumbent City Mayor Oscar Moreno sa pagsilbing alkalde sa Cagayan de Oro City bisan wala pa pormal naproklama sa city board of canvassers.
Kini human nagbaton sa 153-il 708 boto si Moreno samtang si kanhi Department of Agriculture Undersecretary Jose Gabriel La Vina ang may 87,390 votes.
Nag-concede na rin ang dalawa pang mayoralty candidates na sina Dok Felix Borres Jr kinsa nagbaton sa 997 votes ug Benjamin Contreras Tiu nga may 995.
Samtang si incumbent City Vice Mayor Rainer Joaquin ‘Kikang’ Uy ang nagbaton sa 137,701 votes samtang ang namatay nga si Dongkoy Emano nga gipulihan sa iyang anak nga si City Councilor Nadya Emano-Elipe ang nakabaton sa 97,657 votes.
Samtang sa pagka-kongresista sa unang distrito,si incumbent Cagayan de Oro City Rep Rolando ‘Klarex’ Uy ang nag-una sa iyang nakuha nga boto nga 81-mil 595;Ian Acenas nga dunay 23-mil 010 ug si Atty Gil Banaag nagkupot sa 3-mil 652.
Makabalik usab sa pagka-kongresista sa segundo distrito si Atty Rufus Rodriguez sa iyang nakuha nga boto nga 80-mil 337;ABC federation president Alam Lim nga 45-mil 664 ug Engr Roger Villazorda nga nagbaton lamang sa mil-375.
