CAGAYAN DE ORO CITY – Giawhag ni Misamis Oriental Provincial Police Office spokesperson Police Lt Princess Joy Enriquez ang kapin 2-mil ka gun owners nga itahan sa nagkadaiyang police station ang ilang mga armas nga walay lisensya.
Siya miingon nga mahimong applayan sa search warrant sa korte sa mga pulis ang gun owners nga magmagahi pag-surrender sa ilang mga armas alang sa safekeeping ngadto na sa kapolisan.
Hisayran nga katulo kahigayon nga hangyoon sa kapolisan ang usa ka gun owner ayha applayan sa search warrant.
Una niini, anaa lang sa 156 ka loose firearms ang natigom sa matag police station sa tibook Misamis Oriental.
