CAGAYAN DE ORO CITY-Gipangita sa kapolisan ug tinugyanan sa DENR-10 ang usa ka suspek nga misulay pagpalusot sa mga pinutol nga kahoy nga walay pagtugot sa balaod diha sa lungsod sa Villanueva,Misamis Oriental.
Giila ni Villanueva Police Station comamnder Sr/Insp Rodney Gaid nga maoy ilang gipangita ang suspek nga si Roger Daguing,hingkod ang panuigon ug nagpuyo sa Brgy Rosario,Tagoloan ning lalawigan.
Naglusad ang PNP ug DENR sa sa anti-illegal logging operation sa dihang nasita nila ang nagkadaiyang klase sa ginabas nga kahoy nga giingong gipalusot ni Daguing hinungdan nga gilayong gikompiskar.
Sa pagkakaron,gikustodiya sa DENR ang balor P14-mil nga mga kahoy samtang gihikay na ang kasong pagsupak
sa Presidential Decree 705 o Revised Forestry Code of the Philippines batok sa nagtagu-tago nga suspek.
