CAGAYAN DE ORO CITY-Mibalik na’g lihok ang mga pasugal nga ilegal nga ka-kompetensiya sa small town lottery o STL dinhi sa syudad ug lalawigan.
Kini human nahagba na hangtod 50 porsiento ang kinitaan sa STL operators itandi sa panahon nga gimando ni PNP chief Dir Gen Ronald de la Rosa nga wad-on ang tanang pormal sa ilegal gambling sulod sa 15 ka adlaw.
Gihagit ni Astrid Bana,presidente sa Misamis Oriental-Cagayan de Oro City Lotto Agents Association Incorporated o MOCLAI ang mga hingtungdang ahensiya ilabina ang kapolisan nga tinud-on ang pagbungkag sa mga ilegal nga pasugal ug dili kutob sa pagpatoo lamang.
Samtang gihagit sa kapolisan ang publiko nga dili lamang kutob sa pag-report apan angay kuhaa’g hulagway ang paglihok-balik sa ilegal nga mga pasugal sa syudad.
Hagit kini ni C/Insp Mardy Hortillosa,tigpamaba sa Cagayan de Oro City Police Office o COCPO nunot sa gibutyag sa MOCLAI nga nagbalik na ang illegal gambling operators sa syudad.
Gi-angkon ni Hortillosa nga dili nila kaya nga mohatag sa siyento porsyento nga kampanya sa illegal numbers games kay mas prioridad nilang masanta ang hulga sa terorismo sa syudad.
