CAGAYAN DE ORO CITY – Blacklisted na ang pipila ka negosyante nga nabawian sa illegal firecrackers human lusuba sa naglangkob sa Regional Anti-Illegal Firecrackers Task Force ang merkado sa Puerto ug Carmen sa syudad niadtong Disyembre 31,2016.
Kini maoy gipanganti ni City administrator Dione Gersana human nabawi sa task force pinanguluhan ni City DILG Engr Jane Docallos tungod sa kasupakan sa gisitar nga balaod sa pagpamaligya’g pabuto.
Gihimo ni Gersana ang pahayag human sunuga sa task force sa hilit nga lugar sa kampo sa RPSB-10 ang naimbargo nga mga pabuto kagahapon sa hapon.Kabahin sa gisunog sulod sa gibangagan nga yuta ang 76 ka putos sa pabuto nga Shotgun, 462 rims sa OG, 10 rolls sa Sawa, 2,000 rounds saRambo ug daghan pang uban.
Una nang gisunog usab sa task force ang balor P300-mil nga illegal nga pabuto sa susamang dapit niadtong wala pa’y bag-ong tuig.
