CAGAYAN DE ORO CITY – Migamit na sa mga ilimnong makahubog ang mga Hapon aron pagsanta sa kagaw nga dala sa coronavirus disease o COVID-19 sa Japan.
Kini human misaka na sa halos 300 ka tawo ang kompirmadong natakbuyan sa maong sakit diin unom kanila ang nangamatay na sukad nasudlan ang Japan.
Miingon si Bombo international correspodent Genevieve Carbajal nga taga- Brgy Bugo sa syudad nga trabahante na sa poultry farm sa Japan nga gihimo kini sa mga Hapon tungod pagnihit na sa alcohol supplies sa mga parmasiya ug shopping malls.
Giangkon usab ni Carbajal nga may panic-buying na nga nahitabo sa mga pagkaon,facemask ug ubang healthy products gumikan sa maong bayrus.
