Gihagit ni Monsignor Raul Ricacho, Rector sa St. Augustine Metropolitan Cathedral, ang tanang mga inahan nga dili gayud mawad-an og paglaom sa ilang mga anak bisan pa man sa gipakitang pagpabadlong.
Subay sa gisaulog nga kapistahan ni Sta. Monica, iyang gipahinumdoman ang mga ginikanan nga sundon ang maayong ehemplo sa maong santos pinaagi sa walay hunong nga pag-ampo ug pagmatuto sa kabataan.
Gumikan niini, gipadayag usab sa maong lider sa simbahan nga diha sa padayong pag-ampo magagikan ang kausaban sa kinabuhi sa mga tawong nawala sa hustong dalan.
Sa katapusan, iyang gidasig ang mga inahan nga mohatag gayud og igong panahon ug pagtagad alang sa kaayuhan ug maayong kaugmaon sa ilang mga anak
