CAGAYAN DE ORO CITY – Gipangandaman na sa city govt pinaagi sa city sports devt council ang mahatag nga mga insentibo ngadto kang Olympian boxer Carlo Paalam nga kabahin sa 22 ka atletang Pinoy nga milambigit sa Paris Olympics.
Kini ilabina nga dako’g tsansa nga magka-medalya ang Cagayan de Oro boxer sa giapilan nga sikat nga paugnat sa kusog sa tibuok kalibutan.
Namahayag si Janboy Actub,tigpamaba ni City Mayor Rolando ‘Klarex’ Uy nga may gitahasan na ang city govt alang niini partikular kon magka-gold medal si Paalam.
Hisayrang sa miaging 2020 Tokyo Olympics diin silver medalist si Carlo,gihatagan kini sa 2 milyones pesos nga cash incentive kaniadto.
