CAGAYAN DE ORO CITY – Prioridad sa ilang inadlaw nga panginabuhi ang mga Insek kay sa manginlabot sa bangi tali sa Pilipinas ug China pag-abot sa West Philippine Sea issue.
Kini ang pagsaysay sa babayeng Kagay-anon nga nakabana’g Insek nga sulod-gawas sa China pag-abot sa maong init nga hisgutanan sa teritoryo.
Miingon si Zusanne Nagac nga wala tugti sa Chinese govt ang ilang katawhan nga mohatag komento sa maong isyu kay gipa-pokus lang sila sa inadlaw nila nga panginabuhian.
Siya miingon nga wala matago sa mga Intsik ang bangi sa teritoryo apan prioridad nila nga makakita’g ensaktong panginabuhian kada-adlaw alang sa mga pamilya niini.
Gihupay usab ni Nagac nga taas ang pagtahod sa mga Intsik sa mga Pinoy ug wala sila makadawat sa mga pagpang-bully gumikan lang sa maong isyu.
Hisayrang pinakaulahi nga komprontasyon natigayon sa Ayongin Shoal diin gi-atake sa Chinese Coast Guard ang Philippine Navy diin dunay halos 10 ka sundalo sa Pilipinas ang samaron.
