CAGAYAN DE ORO CITY-Miulbo ang tensyon tali sa investors ug mga paryente sa akusado nga si Jerry Tomawis nga nalambigit sa pyramiding scam samtang gidungog ang kasong syndicate estafa sa korte sa syudad kagahapong adlawa.
Kini human gikasuko sa kabanay ni Tomawis kinsa ugangan sa Auto Nad Trading founder Coco Rasuman nga main accused sa maong kaso.
Miingon si Regional State Prosecutor Merlynn Uy nga gibasahan si Tomawis sa iyang kaso kay kabahin kini sa walo ka akusado sa maong scam sukad tuig 2012 sa syudad.
Nasayran nga anaa sa 20 bilyon pesos nga salapi gikan sa daghang investors ang giingong na-kolekta sa mga Rasuman ug Tomawis hinungdan sa patung-patong nga kaso ilang giatubang sa korte.
