CAGAYAN DE ORO CITY-Gimando karon ni Baikingon Brgy Kapitan Nathan Yaniez ang ‘shoot to kill’ order sa tulo ka bangis nga mga iro nga suspek pagapatay sa lima ka kanding sa ilang lugar.
Kini human nahiagom sa grabeng mga samad ang mga kanding nga gipangpaak sa maong mga iro sa miaging adlaw.
Miingon si Yaniez nga gialerto usab niini ang ilang katawhan aron dili na subli makapangatake ang maong mga iro nga pabiling gipangita ning panahona.
Nasayran nga gawas sa nangamatay nga mga kanding,laing tulo pa ka mananap ang gipangpaak sa maong mga iro.
