CAGAYAN DE ORO CITY – Dili direktang maka-access ang media apan wala sirad-i sa Catholic Bishops Conference of the Philippines ang posibilidad nga mopagawas sila ‘g mensahe kabahin sa mga init nga isyu nga naglambigit ang interes sa katawhan naglakip sa balaodnon sa diborsyo ug West Philippine Sea.
Kini ang pagpasabot ni Reverend Fr. Nathaniel Lerio, SSJV ug overall chairman sa 128th CBCP plenary assembly nga gisugdan na sa beach resort diha sa Brgy Cugman ning syudad kagapong adlawa.
Namahayag si Lerio nga limitado lang ang access sa Archdiocese sa Cagayan de Oro sa kalihukan apan hugot ang ilang koordinasyon sa CBCP secretariat kabahin sa kalihukan.
Gisaksihan nila ni Vatican’s Secretary of States Archbishop Paul Gallagher ug Papal Nuncio to the Philippines Archbishop Charles Brown ang pagsugod sa plenary session sa tanang mga obispo ning syudad.
