CAGAYAN DE ORO CITY – Gipangita karon sa Provincial Health Office o PHO ang mga kabanay sa impluwensiyadong pamilya nga positibo sa coronavirus nga nagsumikad sa Lanao del Sur.
Kini human unang gikompirmar ni Dept of Health Sec Francisco Duque III nga kabahin sa 24 ka pasyente nga COVID-19 positives ang natakbuyan samtang kanunay tigbisitahan sa prayer room sa usa ka subdivision sa kauluhan.
Miingon si Lanao del Sur PHO head Dr Alinader Minalang nga tuyo niini nga mapugngan ang pagkatag sa bayrus kon ugaling may mga paryente ang magtiayon nga ulahi nila gikauban ug nanguli sa ilang lugar.
Samtang gihupay sa Dept of Health -10 ang kabalaka sa nga maka-kuyanap ang coronavirus disease nga mitakboy sa magtiayon nga taga-Lanao del Sur.
Kini bisan kon daghang mga kabanay ang maong mga pasyente diin moagi sa tugpahanan diha sa Laguindingan,Misamis Oriental ayha makauli sa ilang probinsya.
Miingon si DoH-10 Infectious Disease cluster head Dr. Ian Gonzales nga walay gitawag kanila ang ilang kadagkuan sa central office aron pangitaon ang mga paryente sa maong magtiayon alang sa posibleng pag-hospital confinement.
Nagpasabot nga dugay nang nagpondo sa kauluhan ang rason nga dili angay ikabalaka ang pagkatag sa bayrus sa maong probinsya.
