CAGAYAN DE ORO CITY – Gitakdang basahan na sa ilang sumbong ang mga kanhi kadete sa Philippine Military Academy o PMA nga responsable sa pagpatay kang Cadet 4th Class Darwin Dormitorio samtang nag-training sa Baguio City.
Miingon ang igsoon ni Darwin nga si Dexter Dormitorio nga mismo siya ang motambong sa pagpatawag sa korte samtang mosaksi usab ang iyang mga ginikanan pinaagi sa online participation sa Setyembre 23 ning tuiga.
Kabahin sa basahan sa kasong murder ug pagsupak sa anti-hazing law sila si ex-PMA cadets Julius Carlo Tadena,Felix Lumbag Jr ug Shalimar Imperial Jr nga gitumbok sa kaso.
Ensakto mag-usa ka tuig karong adlawa,gilab-as sa pamilya ug mga higala ni Dormitorio ang kamatayon niini diin may gamay’ng kalihukan sa Oro Gardens kagahapong adlawa.
