CAGAYAN DE ORO CITY, Philippines – ‘Mga Kaibigan” … Kini ang gihingusgang kampanya sa Liberal Party alang sa ilang mga kandidato nga mupapili isip mga senador ug kongresista sa May 2025 National and Local Elections.
Si Senate Deputy Minority Leader Risa Hontiveros ang nagsilbing barker sa bando kundiin nagsilbing unang rumbo sa ilang han-ay ang unibersidad sa UP Diliman, Quezon City.
Namahayag si Hontiveros nga nagkinahanglan siya’g mga higala sa kongreso ug senado nga mutabang sa iyang nasugdang kampanya batok korapsyon sa gobyerno ug uban pa. Lakip sa iyang gi-endorso sila kanhi Senador Kiko Pangilinan, ug Bam Aquino.
Hingusgan ni Pangilinan ang pagmoderno ug paspas nga pagtabang sa mga mag-uuma sa sektor sa agricultura. Samtang si Aquino, mupanday sa balaod nga mulapad pa ang benepisyo alang sa mga magtutungha sa kolehiyo.
Mahinumduman nga si Aquino ang amahan sa namugnang libreng tuition fees alang sa mga state colleges.
Sa pikas bahin, sila kanhi Senador Leila de Lima ug Atty Chel Diokno pulos nagtinguha sa congressional seat.
Si De Lima ang first nominee sa Mamamayang Liberal Partylist, samtang si Diokno maoy unang nominado sa grupong Akbayan.
Hisayran nga ang ‘Mga Kaibigan Campaign’ maoy gi-atbang sa liberal party sa Alyansa ng Makabagong Pilipinas ni Presidente Ferdinand Marcos Jr., nga gilangkoban sa Partido Federal ng Pilipinas (PFP), Lakas–CMD, NUP, NPC ug Nacionalista Party.
