CAGAYAN DE ORO CITY – Wala mausik ang kahago’g pagbudlay sa representasyon sa distrito dos sa Misamis Oriental ang panlimbasog ni Kongresista Bambi Emano sa Kamara de Representantes sa kauluhan.
Kini human kabahin siya sa pipila lang ka mga magbabalaod ubos sa 19th Congress nga gitunulan sa ‘medal of distinction’ tungod sa iyang mga nahimo dili lang sa distrito apan sa tibuok nasud sa katibuk-an sulod sa una niya nga termino isip kongresista gikan sa Misamis Oriental.
(Pag-ila nga gihatag kang Cong. Bambi Emano isip aktibong miembro sa 19th Congress).
Sumala sa ulitawong kongresista,kadungganan kini alang sa mga kaliwat Misamisnon nga iyang gi-representahan sa hawanan sa kamarabaha sulod sa milaba’yng tulo ka tuig sa panerbisyo niini.
Alang kaniya, katawhan ang tinud-anay nga nagmadaugon nga igo lang niya gi-representahan sa kongreso ubos sa liderato ni Speaker Martin Romualdez.
Kini ang rason nga ubos sa mapaubsanon nga kasingkasing, mibati kini’g kalipay nga tipik siya sa naglangkob sa ika-19 nga kongreso sa nasud.
(Medal of Distinction gihata kang Emano isip chairman sa Mindanao Affairs Committee)
Dumduman nga sulod sa iyang unang termino isip kongresista, magbaton na ang Misamis Oriental sa international airport nga anaa naglihok sa lungsod sa Laguindingan.
Hinangyuan ug gipakibisugan kini kuyog aron mosaka ang lebel sa maong tugphanan.
Tiwason usab niini ang nag-70 porsiento na nga trabaho sa Misamis Oriental West Diversion Road o MOWDR,gawas mga natibawas na nga Planetarium sa Mindanao;
NorthEastern Mindano General Hospital sa lungsod sa Villanueva,Bukidnon State University sa lalawigan;Nursing course sa USTP ug pagdugang sa mga empleyado niini.
Napuslan na usab sa katawhan ang tourist rest area sa lungsod sa Initao nga hinangyuan niya kang DoT Secretary Christina Frasco;pagkab-ot sa hingpit sa tinuig nga Kuyamis Festival alang sa Misamis Oriental ug paglig-on pa sa programang edukasyon alang sa kabatan-unan.
