CAGAYAN DE ORO CITY – Gihatagan sa pormal nga paglubong ang mga bukog sa tawo nga gikalot sa tropa sa mga sundalo sa 58th IB,Philippine Army sa Sitio Victory,Brgy San Luis,Malitbog,Bukidnon.
Miingon si 58th IB commander Lt Col. Leoncito Grezula Jr nga resulta kini sa pagtug-an sa usa ka sibilyan nga milambigit sa pakig-dayalogo sa kalinaw nga gipanguluhan sa Mobile Community Sustainment Support Team.
Siya miingon nga gilayong giporma ang retrieval team sa ilang tropa aron dalikyatan ang lokasyon diin nahaw-as ang mga kalabera sa tawo kuyog ang personal nga kagamitan niini.
Miingon ang opisyal nga sugo sa ensaktong pamatasan,gipaubos sa tukmang proseso ang pagpahiluna sa maong patay’ng lawas pinaagi sa santos nga misa ug tradisyon usab sa Higaonon tribe.
Hisayrang ang lokasyon diin nakalutan ang patay’ng lawas sa tawo nga mga bukog na lang ang nabilin ang kanhi gipondohan sa mga sakop sa Community Terrorist Group o CTG.
