CAGAYAN DE ORO CITY-Nakulangan sa oras ang walo ka kandidata sa Ms Universe 2017 sa ilang pagbisita sa isla sa Camiguin kaganihang buntag.
Matud ni Department of Tourism-10 regional director Marie Elaine May Unchuan nga nalingaw ang mga kandidata sa Korea, Spain, India, Netherland, Canada, Italy, USA ug Singapore sa ilang pagbisita sa White Island, sikat nga Sunken Cemetery, The 16th Century Old Church, Tuasan Falls sa Brgy Mainit ug ang Balai sa Baibai Resort.
Gusto pa unta sa mga kandidata nga magpabilin sa lugar apan gikinahanglan na nilang mopauli.
Tungod niini, gipasalig sa mga kandidata nga mobalik sila sa Camiguin kauban ang ilang pamilya.
