Nagpakita na sa ‘maturity’ ang mga kandidato ug bisan ang ilang supporters sa pagduso sa mga kandidatura niini alang sa sunod tuig nga piliay dinhi sa rehiyon.
Kini human na-obserbahan sa Commission on Elections nga wala na magbitbit sa daghang supporters ang mga kandidato sa pagsang-at pa lang sa COC.
Miingon si Comelec 10 regional director Atty Renato Magbutay nga gikalipay nila kini nga aksyon kay nasabtan sa mga kandidato ang ilang gabayan nga gipatuman.
Gihinaut ni Magbutay nga unta pag-abot usab sa kampanya sunod tuig,ipalig-on pa sa matag-kandidato ang pagsilbing responsabli niini kabahin sa ilang pag-apil sa eleksyon.
