CAGAYAN DE ORO CITY – Kasuhan sa Bureau of Internal Revenue o BIR ang mga negosyante nga unang nabawian sa halos 900 milyon pesos nga kantidad sa excise tax gikan sa bodega sa Gaisano Mall sa Brgy Cugman ug laing warehouse sa Brgy Bayabas sa syudad.
Kini tungod sa reklamo sa kompanyang Philip Morris nga gisundog ang ilang mga produkto diin nakaapektar sa kinitaan nila dinhi sa nasud.
Miingon si acting BIR Legal Division asst chief Atty Jonaida Darimbang nga kabahin sa nakompiskar ang mga segarilyo nga YS Filter, Jackpot kolor green ug asul, Bravo Cigarrettes kolor pula, Marvels, ug brand nga TWO MOON sa maong mga warehouse sa miaging gabii.
Dugang ni Darimbang nga upat ka probisyon sa tax code law ang nasupak sa mga bintahusong mga negosyante hinungdan nga magkoordinar ang BIR ug NBI-10 alang sa legal action nga ilang himoon.
