CAGAYAN DE ORO CITY – Napasaka na ang kasong pagbaligya’g ilegal nga droga ug illegal possession of firearms batok sa tulo ka pulis nga naglakip sa usa ka opisyal didto sa Maguindanao.
Kini human unang nasikop sa buy bust operation sa PDEA-BARMM ang maong mga pulis nga namaligya’g 50 gramos sa gitoohang shabu.
Miingon si PDEA-BARMM regional director Juvenal Azurin nga dili nila tugtan nga magpadayon sa ilegal nga kalihukan ang pipila ka trabahante sa gobierno sama sa maong mga pulis.
Kabahin sa nasikop ug nakasuhan sila si Marantao Police Station deputy commander Master Sgt. Monjel Nassal Aradais,Patrolman Sandiali Mangundacan Manalao ug Staff Sgt. Fahmi Bangon Como.
Nabawi gikan kanila ang mga armas,police uniforms ug balor 300-mil pesos nga suspected shabu.
