(Update) CAGAYAN DE ORO CITY – Ipasaka sa kapolisan sa piskalya ang patung-patong nga kasong kriminal batok sa drayber sa freezer wing van taliwala nga maoy gibanggaan sa Super 5 passenger bus nga unang natigayon sa Purok 1, Brgy Maputi, Naawan,Misamis Oriental.
Namahayag si Police Capt Ludivina Fuentes,tigpamaba sa Misamis Oriental Police Provincial Office nga maoy kasuhan sa reckless imprudence resulting multiple homicide;multiple physical injuries ug damage to property ang drayber nga si Jolly Pilones nga taga-Brgy Diclum,Manolo Fortich,Bukidnon.
Miingon si Fuentes nga mismo ang mga sakop ni Naawan Police Station commander Maj. Belmer Alinas ang mihan-ay sa mga papeles aron maduso ang maon mga kaso sa provincial prosecutor’s office ning syudad karong adlawa.
Dumduman nga maoy namatay sa pagkahulog sa pangpang sa bus nga gimaneho ni Arnold Allanic ang mga pasahero nga sila Anthony Reyes, Jasper,minor de edad ug laing usa nga wala pa naila nga pulos gikan sa Misamis Occidental.
Hisayrang gikan syudad ang bus ug padulong sa Dipolog City dihang mikawat kini’g dalan hinungdang nasungag niini ang van apan nag-resulta sa pagkahulog sa pangpang ug dunay 3 ang dead on arrival ug laing 32 ang angol sa mga pasahero.
