CAGAYAN DE ORO CITY – Gisugdan na’g prepara sa mga abogado sa regular mngt sa Cagayan de Oro Water District (COWD) ang mga ebedensiya nga ilang gamiton pagkaso’g kriminal batok sa grupo ni interim General Manager Fermin Jarales sa korte ning syudad.
Kini may kalabutan sa pasangil nila ni COWD board of director chairman Gerry Caño nga gilusob sa grupo ni Jarales ang ilang opisina aron pangkuhaon ang mga importanteng mga papeles niadtong milabay’ng semana santa.
Miingon si Caño nga kutob sa mitabang sa grupo sa interim general manager paghimo sa maong kremin,apilon nila sa pagsumbong sa husgado.
Una usab niini,kusganong gipanghimakak ni Jarales ang pasangil sa regular mngt.
Gani, modason sila’g motion for reconsideration sa hukom sa korte nga naghatag pabor sa prohibition case diin wala nag-ila sa legal take-over sa Local Water Utilities Administration o LWUA.
