CAGAYAN DE ORO CITY- Ipasaka na sa Dept of Justice o DoJ pinaagi sa National Bureau of Investigation o NBI ang mga kasong kriminal batok sa kadagkuan sa Kabus Padatoon o KAPA Community Ministry International Incoporated didto sa kauluhan.
Kini human akusahi sa Security and Exchange Commission o SEC nga nasupak ni KAPA founder Joel Apolinario ang section 8.9 sa Republic Act 8799 o Security and Regulations Code o SRC sa gisudlan nila nga investment taking ngadto sa mga miembro niini.
Miingon si SEC regional director Atty Reynato Egypto nga gawas niini,mag-atubang usab sa large scale syndicate estafa ang grupo ni Apolinario sa oras nga may mga miembro na nga mo-reklamo tungod sa pakyas unya nga pagkabalik sa ilang investment capital nga gihulog sa KAPA.
Dumduman nga subay sa mando ni Pres Rodrigo Duterte ug court search warrants,sunod-sunod nga gi-raid sa SEC,NBI ug PNP ang mga buhatan sa KAPA gikan sa Luzon padulong dinhi sa Mindanao niadtong Lunes.
