CAGAYAN DE ORO CITY – Posibleng mapun-an ang mga kasong-kriminal nga atubangon ni detained Police Staff Sgt Armand Tagolimot alyas ArTags sa hukmanan.
Kini kung madugtong ang mga pasangil ug adunay lig-ong mga ebedenisya nga si Tagolimot ang kabahin sa mga responsabli sa mga pagpamusil nga natigayon sa lungsod sa Tagoloan ug Villanueva,Misamis Oriental sa milabay’ng mga bulan.
Miingon si Police Col. Salvador Radam,city director sa Cagayan de Oro City Police Office o COCPO nga dili lang notoryus sa isyu sa illegal nga droga si Tagolimot apan bisan sa pipila ka kaso sa shooting incidents ning syudad ug lalawigan.
Una niini,gihimakak sa suspetsado nga aduna kini kalabutan sa kamatayon ni Cogon Police Station commander Capt Abdulcahar Armama sa milabay’ng Oktobre 2024.
Hisayrang wala pa’y komento niini si Tagolimot kabahin sa maong impormasyon batok kaniya.
