Nagpasidaan ang Provincial Health Office sa katawhan sa Misamis Oriental nga mag-amping sa tumang kainit sa panahon tungod sa epekto sa El Niño.
Namahayag si Provincial Health Office Health Education and Promotion Officer II Rainier Frederick Miego nga nag-unang nagkansela na sa mga klase ang pipila ka lokal nga kagamhanan sa probinsya tungod sa peligro nga gidala sa hilabihang kainit sa panglawas sa mga estudyante, diin dako ang posibilidad nga makasinati sila og heat stroke.
Gihimug-at usab ni Miego nga wala naapil sa pagkansela sa klase ang lungsod sa Claveria tungod kay naila man kini nga bugnaw nga dapit sa lalawigan.
Mao nga tungod sa maong sitwasyon, gipahinumdoman ang tanan nga magpabilin nga maampingon aron malikayan ang mga hulga sa kaayohan ug panglawas karong panahona.
