Sa Senate Blue Ribbon Committee hearing, ang magtiayong contractor nga sila Sarah ug Curlee Discaya mitug-an nga daghang mga kongresista ang giingong nangayo og komisyon o “kickback” aron ma-award ang mga proyekto sa ilang mga kompanya.
Subay sa ilang testimonya, ang mga proyekto sa DPWH dili i-award kung dili una maghatag og porsyento nga 10% hangtod 25% sa kantidad sa kontrata. Giingon pa nila nga kung dili sila motuman, ilang kompanya tangtangon sa listahan ug pugngan ang implementasyon sa proyekto pinaagi sa “mutual termination” o “right-of-way issues.”
Miingon ang Discaya Couple nga kining tanan opisyal ang mi-pressure kanila sa paghatag sa porsiento aron mapadayon ang proyekto.
